काठमाडौं । ग्लोबल आइएमई लघुवित्त वित्तीय संस्था लिमिटेडले संस्थापक शेयर विक्री गर्ने भएको छ । संस्थाका शेयरधनीहरुले शेयर विक्री गर्न ईच्छा राखी निवेदन दिएअनुसार लघुवित्तले संस्थापक शेयरधनीको नाममा रहेको ६ हजार ९६९ कित्ता संस्थापक शेयर बिक्री गर्न लागेको हो । उक्त शेयरको मूल्य प्रतिकित्ता ५०० रुपैयाँ रहेको छ ।
उक्त शेयरमा हाल कम्पनीका विद्यमान संस्थापक शेयरधनीहरूले मात्रै खरिद आवेदन दिन पाउनेछन् । शेयर खरिद गर्न ईच्छुक संस्थापक शेयरधनीहरुले सूचना प्रकाशित भएको मितिले ३५ दिनभित्र कास्कीको पोखरास्थित कम्पनीको केन्द्रीय कार्यालयमा आवेदन दिनुपर्नेछ ।
लघुवित्तले तोकिएको उक्त समयभित्र कम्पनीका संस्थापकबाट शेयर खरिदका लागि कुनै पनि आवेदन नपरेमा उक्त शेयर अन्य व्यक्ति संस्था वा सर्वसाधारणमा बिक्री गरिने बताएको छ ।
