काठमाडौं । सूर्यज्योति लाइफ इन्स्योरेन्स कम्पनीले जेठ महिनामा मात्रै ६ करोड ५० लाख रुपैयाँ दाबी भुक्तानी गरेको छ । कम्पनीले हाम्रो प्रतिबद्धता, हाम्रो जिम्मेवारी, हाम्रो साथ भन्ने नाराका साथ आफ्ना बीमितहरुको दाबी भुक्तानीमा सहजीकरण गर्दै आइरहेको छ । कम्पनीले जेठ महिनामा २१७ वटा दाबीवापत उक्त रकम बराबरको दाबी भुक्तानी गरेको हो ।
त्यस्तै, कम्पनीले चालु आर्थिक वर्ष २०८०/८१ को जेठ मसान्तसम्ममा २ हजार ३४ वटा दाबीबापत ७३ करोड २० लाख रुपैयाँ दाबी भुक्तानी गरेको छ ।
