काठमाडौं । विद्युतीय कार निर्माता कम्पनी टेस्लाका सीईओ एलन मस्कबाट फेरि विश्वकै धनीव्यक्तिको ताज खोसिएको छ।
विश्वकै शीर्ष धनाढ्यहरुको सूचीमा फेरि फेरबदल भएको हो। एलन मस्क सूचीको दोस्रो स्थानमा झरेका छन्। ब्लुमबर्ग बिलिनियेर इन्डेक्सका अनुसार पछिल्लो २४ घन्टामा मस्कको सम्पत्ति ३.१९ अर्ब डलरले घटेको छ। उनको कुल सम्पत्ति घटेर २०३ अर्ब डलरमा झरेको छ।
उता अमेजनका संस्थापक जेफ बेजोस मस्कलाई पछि पार्दै विश्वकै धनव्यक्ति बनेका छन्। उनको कुल सम्पत्ति २०६ अर्ब डलर रहेको छ। यद्यपि पछिल्लो २४ घन्टामा उनको सम्पत्ति पनि २०.९ करोड डलरले घटेको छ।
विश्वका धनाढ्यको सूचीको तेस्रो स्थानमा बर्नार्ड अर्नल्ट रहेका छन्। उनको ५.८५ अर्ब डलरले घटेर १९८ अर्ब डलरमा झरेको छ। –एजेन्सी
