काठमाडौं । नेपाल पुनर्बीमा कम्पनी लिमिटेडले मुद्दती निक्षेपमा लगानी गर्ने भएको छ । कम्पनीले बिहीबार एक सूचना प्रकाशित गर्दै मुद्दती निक्षेपमा १ वर्षको लागि लगानी गर्ने जनाएको छ । कम्पनीले नेपाल राष्ट्र बैंकबाट इजाजतपत्र प्राप्त इच्छुक क, ख र ग वर्गका राष्ट्रिय स्तरका बैंक तथा वित्तीय संस्थालाई शिलबन्दी प्रस्ताव पेश गर्न आह्वान गरेको हो ।
कम्पनीले बैंक तथा वित्तीय संस्थाहरुले आफुले लिन चाहेको रकम र ब्याजदर उल्लेख गरी कम्पनीको वेबसाइटमा उपलब्ध रहेको फारम भरी तीन दिन भित्र पेश गर्न आग्रह गरेको छ । प्रस्तावको मान्य अवधि एक महिनाको हुनु पर्ने र केन्द्रीय कार्यालय बाहेक अन्य प्रस्ताव मान्य नहुने कम्पनीले जनाएको छ ।
