काठमाडौं । आज बुधबार सुनको भाउ बढेको छ भने चाँदीको भाउ घटेको छ । हिजो मंगलबार प्रतितोला १ लाख ४१ हजार रुपैयाँमा कारोबार भएको छापावाला सुन आज तोलामा ६ सय रुपैयाँले बढेर १ लाख ४१ हजार ६ सय रुपैयाँमा करोबार भइरहेको छ ।
आज तेजावी सुन पनि तोलामा ६ सय रुपैयाँले नै बढेर प्रतितोला १ लाख ४० हजार ९ सय रुपैयाँमा खरिदबिक्री भइरहेको छ । आज चाँदीको मूल्य तोलामा ५ रुपैयाँले घटेर प्रतितोला १८ सय २० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
