काठमाडौं । सरकारको लगानी भएका ३ वाणिज्य बैंकमध्ये कृषि विकास बैंकले चालु आर्थिक वर्षको वैशाख महिनासम्म सर्वाधिक नाफा कमाउन सफल भएको छ।
नेपाल राष्ट्र बैंकले उपलब्ध गराएको तथ्यांकअनुसार कृषि विकास बैंकले वैसाख महिनासम्म २ अर्ब ६९ करोड रुपैयाँ नाफा कमाएको छ।
त्यस्तै दोस्रोमा राष्ट्रिय वाणिज्य बैंकको नाफा २ अर्ब ५६ करोड रुपैयाँ रहेको छ। नेपाल बैंकको नाफा वैशाख महिनासम्म ५९ करोड रुपैयाँ रहेको छ।
कृषि विकास बैंक र नेपाल बैंक दोस्रो बजारमा कारोबार हुन्छन् भने राष्ट्रिय वाणिज्य बैंक दोस्रो बजारमा सूचीकृत छैन।
