काठमाडौं । आज बिहिबार सुन चाँदीको भाउ बढेको छ । बुधबार प्रतितोला १ लाख ४२ हजार २ सय रुपैयाँमा कारोबार भएको छापावाला सुन आज प्रतितोला १८ सय रुपैयाँले बढेर प्रतितोला १ लाख ४४ हजार रुपैयाँमा कारोबार भइरहेको छ । यो हालसम्मकै उच्च मूल्य हो ।
आज तेजावी सुन पनि १८ सय रुपैयाँले नै बढेर तेजावी सुन प्रतितोला १ लाख ४३ हजार २५० रुपैयाँमा कारोबार भइरहेको छ । आज चाँदीको भाउ भने २५ रुपैयाँले बढेर तोलामा १ हजार ८५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
