काठमाडौं । आज शुक्रबार सुनको मूल्य बढेको छ । आज सुनको मूल्यले नयाँ रेकर्ड बनाएको छ । सुनको मूल्य आज प्रतितोला १ लाख ४२ हजार २ सय रुपैयाँमा कारोबार भइरहेको छ । यो अहिलेसम्मकै महँगो हो ।
बिहीबार प्रतितोला १ लाख ४० हजार ५ सय रुपैयाँमा कारोबार भएको छापावाला सुनको मूल्यमा आज तोलामा १ हजार ७ सय रुपैयाँले वृद्धि भएको हो । आज तेजाबी सुनको मूल्य पनि तोलामा १ हजार ७ सय रुपैयाँले बढेर १ लाख ४१ हजार ५ सय रुपैयाँमा कारोबार भइरहेको छ ।
आज चाँदीको मूल्य तोलामा २५ रुपैयाँले घटेर १ हजार ८ सय ७५ रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
