काठमाडौं । नेपाल बीमा प्राधिकरणको ५६औं वार्षिकोत्सवको अवसरमा वैशाख ३० गते प्राधिकरणको कोशी प्रदेश कार्यालयले रक्तदान कार्यक्रम सम्पन्न गरेको छ । गिभ ब्लड, सेभ ब्लड भन्ने नारा सहित वृहत रक्तदान कार्यक्रम सम्पन्न गरेको हो ।
उक्त रक्तदान कार्यक्रम विराटनगरको महेन्द्र चोकमा सम्पन्न भएको थियो । बेमौसमी परेको भारी वर्षाका बाबजुद पनि जीवन तथा निर्जीवन बीमाका कर्मचारी, बीमा अभिकर्ता, सर्भेयर, लगायत सर्वसाधारणको समेत उल्लेख्य उपस्थिति थियो ।
५५ पाउन्ड रगत संकलन भएको थियो । उक्त रक्तदान कार्यक्रममा नेपाल बीमा प्राधिकरण कोशी प्रदेश कार्यालयका प्रमुख बिनोद कुमार पोखरेलले रक्तदातालाई प्रमाणपत्र प्रदान गर्दै यस्तो पुण्य काममा सहभागी भएको भन्दै रक्तदातालाई बधाई दिएका थिए ।
