काठमाडौं । बैंकिङ्ग प्रणालीमा एकै दिन ६ अर्ब रुपैयाँले निक्षेप वृद्धि भएको छ । नेपाल राष्ट्र बैंकको तथ्यांक अनुसार आइतबारसम्म ६१ खर्ब ६५ अर्ब रहेको निक्षेप सोमबारसम्म ६१ खर्ब ७१ अर्ब पुगेको हो।
त्यस्तै आइतबारसम्म कर्जा प्रवाह ५१ खर्ब ६ अर्ब रहेकोमा सोमबार ५१ खर्ब १० अर्ब पुगेको हो। एकै दिनमा कर्जा प्रवाह ४ अर्बले वृद्धि भएको छ । सोमबारसम्म वाणिज्य बैंकमा निक्षेप ५४ खर्ब ५७ अर्ब पुगेको छ भने वाणिज्य बैंकबाट ४५ खर्ब १९ अर्ब कर्जा प्रवाह भएको छ ।
सिडी रेशियो घट्दै ८०.५४ प्रतिशत कायम भएको छ भने अन्तर बैंक ब्याजदर २.६९ प्रतिशत छ। अघिल्लो दिन सिडी रेशियो ८०.५६ प्रतिशत थियो ।
