काठमाडौं । आज बैशाख २५ गतेबाट सुरु भईरहेको रेडियो अनव्हील्स रोड शो कार्यक्रमसँगको सहकार्यमा डिशहोमले पनि आफ्नो सेवा सुविधाहरुको प्रचार प्रसार गर्ने भएको छ । यस कार्यक्रममा विभिन्न प्रकारका मनोरञ्जनात्मक प्रस्तुतिहरू हुने डिशहोमले जनाएको छ ।
यसमा महिमा पण्डी भट्टराई, सञ्जोक बस्याल, दुर्गाराज पाण्डे, स्मिता राणा, प्रज्वल खड्का र महेस लिम्बू प्रस्तोताको भुमिकामा रहने यस कार्यक्रममा शिव परियार, महेश काफ्ले, विश्व नेपाली, टीका प्रसाईं तथा सुमन कार्कीले बेजोड प्रस्तुति दिने डिशहोमले जनाएको छ ।
त्यस्तै, कार्यक्रममा अन्य थप रोमान्चक गतिविधीहरू पनि हुने र त्यसमा सहभागीहरूले विभिन्न खेलहरूमा सहभागी भई पुरस्कारहरू पनि जित्न सक्ने डिसहोमले जनाएको छ । यो कार्यक्रम धरान बसपार्कबाट २५ गते साँझ ४ बजेदेखि सुरु हुने रेडियो अन व्हिल वैशाख २६ गते इटहरी, २७ गते दमक, २८ गते बिर्तामोड, २९ गते बिराटनगर, ३० गते जनकपुर, ३१ गते वीरगंज, जेठ १ गते हेटौंडा, २ गते नारायणघाट, ४ गते बुटवल, ६ गते धनगढी, ८ गते सुर्खेत, ९ गते नेपालगंज, ११ गते पोखरा र १४ गते काठमाडौंमा आयोजना भई समापन हुनेछ ।
कार्यक्रमले देशैभरका हजारौं जनालाई पूर्ण मनोरञ्जन गराउने विश्वास आयोजकले लिएको छ । डिशहोमले आउदो टी–ट्वान्टी र यूरो २०२४ लाई लक्षित गरी देशको विभिन्न १५ वटा शहरहरूमा रोड–शो गर्ने भएको हो ।
