काठमाडौं । रिडी पावर लिमिटेडको अवितरित हकप्रद शेयर बाँडफाँड भएको छ । कम्पनीले सर्वसाधारण समुहतर्फको ११ लाख ३५ हजार ६५७ कित्ता अवतरित हकप्रद शेयर विक्रीमा ल्याएको थियो । कम्पनीले उक्त अवितरित शेयर चैत २९ गतेबाट बैशाख ९ गतेसम्म शिलबन्दी बोलपत्र मार्फत खरिद गर्न आव्हान गरेको थियो सो अवधिभित्र प्राप्त भएको शिलबन्दी बोलपत्र बैशाख १३ गते खोली बैशाख १७ गते निष्काशनकर्ता कम्पनीको संचालक समितिले बाँडफाँड गरिएको हो ।
आवेदकको बाँडपाँडमा नपरेको शेयर वापतको रकम बैशाख २० गतेबाट आवेदकको आफ्नो आवेदन फाराममा उल्लेख गरिएको बैंक वित्तीय सस्थाको खातामा आइपीएस मार्फत रकमान्तरण गरिने कम्पनीले जनाएको छ ।
साथै, आफ्नो खातामा रकम जम्मा भएको वा नभएको यकिन गरी रकम जम्मा नभएमा मुक्तीनाथ क्यापिटलमा सम्पर्क गर्नुपर्नेछ । साथै बाँडफाँडको अन्तिम मूल्य १४८ रुपैयाँ १० पैसा रहेको छ । उक्त मूल्यमा बोलपत्र पेश गर्नेहरुको हकमा समपेक्षिक भार अनुसार समानुपातिक रुपमा बाँडफाँड गरिएको कम्पनीले जनाएको छ । बाँडफाँडको विवरण विक्री प्रबन्धकको वेभसाइटबाट हेर्न सकिनेछ ।
