काठमाडौं । नेपाली बजारमा बुधबार सुनको भाउ उकालो लागेको छ। नेपाल सुनचाँदी व्यवसायी महासंघका अनुसार सुनको भाउ आज तोलामा ५०० रुपैयाँले बढेको हो।
योसँगै प्रतितोला छापावाल सुन १ लाख ३६ हजार रुपैयाँ र तेजाबी सुन १ लाख ३५ हजार ३५० रुपैयाँ कायम भएको छ। हिजो मंगलबार सुनको भाउ तोलामा २ हजार ७०० रुपैयाँले घटेको थियो। यो दिन प्रतितोला छापावाल सुन १ लाख ३५ हजार ५०० रुपैयाँ र तेजाबी गोल्ड १ लाख ३४ हजार ८५० रुपैयाँमा कारोबार भएको थियो।
आज चाँदीको भाउ पनि तोलामा १० रुपैयाँले बढेर १ हजार ६७० रुपैयाँ कायम भएको छ। हिजो तोलामा ४५ रुपैयाँले घटेर चाँदी १ हजार ६६० रुपैयाँमा किनबेच भएको थियो।
