काठमाडौं । पछिल्लो समय बीमा पोलिसी उपहार दिने प्रचलन बढ्दो रुपमा देखिएको छ । जापानमा बस्दै आएकी बहिनी संगिता गुरुङ्गको शुभ विवाहमा आफ्ना दाई तिलु गरुङ्गले आफ्नो ज्वाइँलाई विवाहको शुभ अवसरमा एशियन लाइफ इन्स्योरेन्सको सुखी जीवन बीमा योजना १२ लाख रुपैयाँको हस्तान्तरण गरेका हुन् ।
हाल बजारमा बीमा क्षेत्रलाई विस्तार गर्न र जनमानसमा बीमाको ज्ञान छर्न प्रतिस्पर्धात्मक कम्पनीहरुले विभिन्न कार्य योजना बनाई गाउँ तथा सहरमा जन्मदिन, विवाह, ब्रतबन्ध आदि जस्ता पर्वहरुमा बीमा पोलिसी उपहार दिने प्रचलन बढ्दो क्रममा रहदै आइरहेको छ । सोही अनुरुप बीमा पोलिसी उपहार दिइएको हो ।
अरु सामान उपहार दिदा फुट्ने, हराउने, च्यातिने वा लामो समयावधिका लागि टिकाउ नहुने भएकाले बीमा पोलिसी उपहार दिएको तिलु गुरुङ्गले बताए । बीमा पोलिसी उपहार दिदा बचत हुने, जोखिम बहन गर्ने र भविष्यमा एउटा बलियो पूँजीको रुपमा प्राप्त गरिने भएकाले बीमालाई सर्वोत्कृष्ट ठानी पोलिसी उपहार दिएको गुरुङ्गले बताए ।
दुलही संगिता गुरुङ्गले भने पहिलेनै २१ लाख रुपैयाँको सुखी जीवन बीमा योजना खरिद गरिसकेको कम्पनीले जनाएको छ ।
