काठमाडौं । ह्वाट्सएपले अब नयाँ फिचरमा काम गरिरहेको छ। जसको मद्दतले प्रयोगकर्ताले अन्य प्रयोगकर्ताको अनलाइन स्ट्याटस सजिलैसँग जाँच गर्न सक्नेछन्।
ह्वाट्सएपले ग्राहकको अनुभवलाई सुधार गर्न नयाँ फिचर ल्याइरहेको छ। जसको मद्दतले प्रयोगकर्ताले हालै अनलाइनमा आएका प्रयोगकर्ताको लिस्ट हेर्न सक्नेछन्।
ह्वाट्सएपको अपकमिङ फिचर ट्रयाक गर्ने वेबसाइट डब्ल्यूए बिटा इन्फोले मेसेजिङ एपले नयाँ फिचरमा काम गरिरहेको जनाएको छ। जसको मद्दतले प्रयोगकर्ताले भर्खरै अनलाइन आएका प्रयोगकर्ताको लिस्ट चेक गर्न सक्नेछन् र उनीहरुसँग च्याट पनि गर्न सक्नेछन्।
डब्ल्यूए बिटा इन्फोले एउटा स्क्रिनसट पनि शेअर गरेको छ। जसमा केही व्यक्तिको लिस्ट देखिन्छ, जो हालै अनलाइन आएका छन् र अझै पनि अनलाइन छन्। यस्तो अवस्थामा यो फिचर ती व्यक्तिका लागि धेरै उपयोगी साबित हुन सक्छ, जो भर्खरै अनलाइन आएका मानिसहरुसँग च्याट गर्न चाहन्छन्।
प्रायः जब प्रयोगकर्ता कसैसँग कुरा गर्न चाहन्छन् तब उनीहरुले पहिले म्यानुअल रुपमा जाँच गर्नुपर्छ कि ऊ अनलाइन छ वा छैन। यस्तो अवस्थामा उसले धेरै प्रयोगकर्ताको च्याटमा गएर यो प्रक्रिया पालना गर्नुपर्ने हुन्छ । तर, यो नयाँ फिचर आएपछि प्रयोगकर्ताले केवल एक क्लिकमा भर्खरै अनलाइन आएका प्रयोगकर्ताको लिस्ट चेक गर्न सक्छन्।
अहिले यो नयाँ फिचर केही बेटा प्रयोगकर्तालाई दिइएको छ। आगामी दिनमा यो सुविधा अन्य प्रयोगकर्तालाई पनि दिइनेछ। सबै परीक्षण पूरा भएपछि यो स्टेबल भर्जनका लागि जारी गरिनेछ। यो फिचरको मद्दतले प्रयोगकर्ताको च्याट अनुभवलाई सुधार गर्ने लक्ष्य राखिएको कम्पनीले जनाएको छ।
