काठमाडौं । समता घरेलु लघुवित्त वित्तीय संस्था लिमिटेडको लाभा.श सुरक्षित गर्ने आज अन्तिम दिन रहेको छ । कम्पनीले साधारण सभा तथा लाभांश वितरण प्रयोजनका लागि चैत १९ गते एक दिनका लागि बुक क्लोज गर्ने जनाएको छ । यस बुक क्लोजको आधारमा आज चैत १८ गतेसम्म नेप्सेमा कारोबार भई कायम भएका शेयरधनी मात्रै लाभांश पाउन र सभामा सहभागी हुन योग्य हुनेछन् ।
कम्पनीले दशौं वार्षिक साधारण सभा चैत २९ गते गर्ने भएको छ । चैत ६ गते बसेको सञ्चालक समितिको बैठकले चैत २९ गते काभ्रेपलान्चोकको बनेपा ७ स्थित नमोबुद्ध ब्याक्वेट एण्ड इभेन्टमा बिहान ११ः३० बजे साधारण सभा गर्ने जानकारी दिएको हो ।
सभाले गत आवको मुनाफाबाट ५ दशमलव ४२२२ प्रतिशत बोनश शेयर र कर प्रयोजनको लागि शून्य दशमलव २८५४ प्रतिशत नगद लाभांश वितरण गर्ने प्रस्ताव पारित गर्नेछ ।
सभाले एफपीओ निष्कासन गर्ने र कम्पनीले मनकामना स्मार्ट लघुवित्तलाई प्राप्ति गर्नेसम्बन्धी भएका सम्पूर्ण कार्य तथा निर्णय पारित गर्नेछ ।
त्यस्तै सभाले अन्य उपयुक्त लघुवित्त वित्तीय संस्थासँग गाभ्ने /गाभिने वा प्राप्ति गर्नेसम्बन्धी सम्झौतापत्र तर्जुमा गर्ने र गाभ्ने/ गाभिने वा प्राप्तिसम्बन्धी आवश्यक अन्य सम्पूर्ण प्रक्रिया पूरा गर्नरगराउन सञ्चालक समितिलाई अख्तियारी प्रदान गर्ने प्रस्ताव पनि पारित गर्नेछ ।
यस्तै गत आर्थिक वर्षको वार्षिक प्रतिवेदन छलफल गरी पारित गर्नुका साथै चालू आवका लागि लेखापरीक्षकको नियुक्ति तथा निजको पारिश्रमिक निर्धारण गर्ने प्रस्तावसमेत पारित हुनेछ ।
