काठमाडौं । सिद्धार्थ प्रिमियर इन्स्योरेन्स लिमिटेडको पब्लिक डिरेक्टरमा सुमित केडिया चयन भएका छन् । कम्पनीको आज फागुन ३० गते काठमाडौंमा सम्पन्न भएको ३० औं वार्षिक साधारण सभाबाट केडिया चयन भएका हुन् ।
उनले विगत लामो समयदेखि यस इन्स्योरेन्स तथा केडिया समूहका अन्य संस्थाहरूको विभिन्न पदमा रही नेपाली अर्थतन्त्रमा उल्लेखनीय योगदान गर्दै आइरहेका छन् । उनको संलग्नतामा सिद्धार्थ प्रिमियरले आफ्ना ग्राहकहरूलाई थप सेवा प्रदान गरी नेपाली बीमा बजारमा आफ्नो अग्रणी स्थानलाई अझ बलियो बनाउने अपेक्षा गरिएको छ ।
