नेप्सेमा थपियो करिब सवा ४४ लाख कित्ता शेयर

काठमाडौं । नेपाल स्टक एक्सचेन्ज (नेप्से)मा करिब सवा ४४ लाख कित्ता शेयर थपिएको छ।

नेप्सेमा सोल्टी होटेलको बोनस शेयर सूचीकृत भएको छ। यो होटेलको ४४ लाख २३ हजार ८६४ कित्ता शेयर थपिएको छ।

आर्थिक वर्ष २०७९/८० का लागि सोल्टी होटेलले कुल ३१.५७८९ प्रतिशत लाभांश वितरण गरेको थियो। जसमा ५ प्रतिशत बोनस शेयर र २६.५७८९ प्रतिशत नगद लाभांश थियो।

सोही ५ प्रतिशत बोनस शेयर नेप्सेमा थपिएको हो।