काठमाडौं । सत्ता गठबन्धन फेरिने भएपछि शेयर बजारमा माथिल्लो सर्किट लागेको छ। बजार खुलेको केहीबेरमै पोजिटिभ सर्किट लागेको हो।
नेप्से परिसूचक ४ प्रतिशत अर्थात् ७९ अंक बढेपछि बजारमा सर्किट ब्रेक लागेको हो। बजार बढेर २०३९.६० को विन्दुमा पुगेको छ। अब बजार २० मिनेटपछि मात्र खुल्नेछ।
कारोबार सुरु भएको पहिलो १ घन्टाभित्र ४ प्रतिशतले बजार बढेमा वा घटेमा सर्किट ब्रेक लाग्छ। सर्किट ब्रेकपछि २० मिनेटका लागि कारोबार स्थगित भएको हो।
