काठमाडौं । बैंक एण्ड इन्स्योरेन्स ग्रुप (बिआइजी) रामेछापले रक्तदान र्काृक्रम सम्पन्न गरेको छ । जिल्लामा पछिल्लो केही समय यता बढेको रगत खपतको अवस्थालाई मध्यनजर गर्दै जिल्ला रेड्क्रश शाखासँको प्राविधिक सहयोगमा रक्तदान गरिएको उक्त ग्रुपले जनाएको छ ।
ग्रुपले सामाजिक कार्यमा पनि उपस्थिति देखाउने उद्देश्य सहित शुक्रवार बिहान जिल्ला सदरमुकाम मन्थली देवकोटा चोकमा रक्तदान गरेको हो । सो क्रममा विभिन्न क्षेत्रका व्यक्ति सहित बिआइजी गुरुपका ३१ जनाले रक्तदान गरेका छन् । अर्थात् ३१ पाउण्ड रगत संकलन भएको छ ।
जिल्लामा रगतको अभावमा कसैले पीडा भोग्न नपरोस् र भइपरी आउने समस्याबाट मुक्त गर्ने उद्देश्यले रक्तदान गरिएको समूहका अध्यक्ष प्रदीप कुमार कार्कीले बताए । उनले आफूहरू आवश्यक परेको जुनसुकै बेलामा रक्तदान गर्न तयार रहेको बताए ।
रक्तदान गर्ने ३१ जनालाई बिआइजीले प्रमाणपत्र प्रदान गरेको छ । बिआइजी रामेछापले विगत लामो समयदेखि नै सामाजिक उत्तरदायित्वका विभिन्न कार्यहरु गर्दै आइरहेको छ । आगामी दिनहरुमा पनि सामाजिक काममा अग्रसर भइरहने समेत ग्रुपको प्रतिबद्धता रहेको छ ।
