काठमाडौं । भैरहवामा लिबर्टी माइक्रो लाइफ इन्स्योरेन्स कम्पनीले नयाँ शाखा कार्यालय संचालनमा ल्याएको छ । आज फागुन ८ गते कम्पनीले उक्त शाखा कार्यालयको उद्घाटन गरेको हो । सो नयाँ शाखा कार्यालयको उद्घाटन नेपाल बीमा प्राधिकरणको लुम्बिनी प्रदेश कार्यालय प्रमुख पूर्णबहादुर थापा र कम्पनीका सिइओ प्रमुख कार्यकारी अधिकृत रामकुमार यादवले संयुक्त रुपमा गरेका हुन् ।
कम्पनीले आफ्नो व्यवसाय विस्तार गर्ने क्रममा दुर्गम ठाउँहरुमा आफ्नो कार्यालय विस्तार गर्दै आइरहेको छ । आगामी दिनमा पनि कम्पनीले शाखा विस्तारलाई निरन्तरता दिने समेत कम्पनीको भनाई छ ।
शाखा उद्घाटन कार्यक्रममा कम्पनीका डेपुटी जनरल म्यानेजर अशोक कुमार कुँवर र क्षेत्रिय प्रमुख अजय सिंहको उपस्थिती रहेको थियो ।
शाखा उद्घाटन कार्यक्रमलाई सम्बोधन गर्दै कम्पनीका प्रमुख कार्यकारी अधिकृत यादवले लघु जीवन व्यवसायमा निम्न आय स्तर भएका ,सिमान्तीकृत बर्ग र पिछडिएको क्षेत्र समेतलाइ लघु बीमा सेवा मार्फत सुरक्षाको प्रत्याभुति प्रदान गर्ने लक्ष्य अनुरुप कम्पनीले सेवा प्रदान गर्दै आइरहेको बताए ।
