काठमाडौं । श्री डिष्टिलरीको वार्षिक साधारण सभा सम्पन्न भएको छ । कम्पनीले उक्त सभा एभोकाडो क्याफे बालुवाटारमा सम्पन्न गरेको जनाएको छ । कम्पनीको सभाले प्रिमियममा आइपीओ जारी गर्ने विशेष प्रस्ताव पारित गरेको छ ।
सभाले संचालक समितिको तर्फबाट अध्यक्षले पेश गर्ने आर्थिक वर्ष २०७९ /८० को वार्षिक प्रतिवेदन छलफल गरी पारित गरेको छ । सभाले आर्थिक वर्ष २०७९/ ८० को वासलात, नाफा नोक्सान, हिसाव नगद प्रवाह विवरण सहितको लेखा परिक्षण प्रतिवेदन छलफल गरी पारित गरेको छ ।
साथै, सभाले संचालक समितिले प्रस्ताव गरेबमोजिम चालु आर्थिक वर्ष २०८०/ ८१ को लागि लेखापरीक्षकको नियुक्ती र पारिश्रमिक निर्धारण गर्ने प्रस्ताव पारित गरेको छ। संस्थापक र सर्वसाधारणलाई विक्री गरिने शेयर प्रतिशत संशोधन गरी नियमावलीको सम्बन्धीत नियम संशोधन गर्ने प्रस्ताव पारित गरेको छ ।
