काठमाडौं । हाल संचालकनमा रहेका १४ वटामध्ये १३ वटा निर्जीवन बीमा कम्पनीहरुले आर्थिक वर्ष ८०/ ८१ को वित्तीय विवरण प्रकाशन गरेका छन् । कम्पनीहरुले प्रकाशन गरेको वित्तीय विवरण अनुसार नाफा ४५ प्रतिशतले बृद्धि भएको छ । गत आर्थिक वर्ष यी कम्पनीहरुले १ अर्ब ९१ करोड ७० लाख ३६ हजार रुपैयाँ मुनाफा आर्जन गरेकोमा यस समिक्षा अवधिमा २ अर्ब ७९ करोड ८० लाख ८४ हजार रुपैयाँ नाफा आर्जन गरेका छन् । रिपोर्ट आउन बाँकी नेको इन्स्योरेन्स रहेको छ ।
यस अवधिमा सबैभन्दा धेरै नेपाल इन्स्योरेन्स कम्पनीले नाफा आर्जन गरेको छ । यस कम्पनीले गत वर्षको तुलनामा नाफा २३२ प्रतिशतले बृद्धि गर्न सफल भएको छ । यस अवधिमा कम्पनीले ४९ करोड ७७ लाख रुपैयाँ नाफा आर्जन गरेको छ । समिक्षा अवधिमा राष्ट्रिय बीमा कम्पनीको नाफा १४ प्रतिशतले बृद्धि भई ४२ करोड ७२ लाख रुपैयाँ आर्जन गरेको छ ।
त्यस्तै, सिद्धार्थ प्रिमियर इन्स्योरेन्स कम्पनीको नाफा गत वर्षको तुलनामा ११७ प्रतिशतले बढेको छ । यस अवधिमा ३६ करोड ९ लाख रुपैयाँ आर्जन गरेको छ । ओरिएण्टल इन्स्योरेन्स कम्पनीले गत वर्षको तुलनामा मुनाफा शतप्रतिशतले बृद्धि गरी २५ करोड ८३ लाख रुपैयाँ आर्जन गरेको छ । शिखर इन्स्योरेन्स कम्पनीले यस अवधिममा २५ करोड ११ लाख मुनाफा आर्जन गरेको छ । गत वर्षको तुलनामा कम्पनीको नाफा १९ प्रतिशतले बढेको हो ।
सगरमाथा लुम्बिनी इन्स्योरेन्स कम्पनीको नाफा गत वर्षको तुलनामा १५ प्रतिशतले बढेको छ । यस अवधिमा कम्पनीले २० करोड ८ लाख रुपैयाँ नाफा आर्जन गरेको छ । हिमालयन एभरेष्ट इन्स्योरेन्सले यस अवधिमा १८ करोड ४३ लाख नाफा कमाएको छ । गत वर्षको तुलनामा नाफा ६३ प्रतिशतले बढी हो । आइजिआई प्रुडेन्सियल इन्स्योरेन्सको नाफा गत वर्षको तुलनामा ५१ प्रतिशतले बृद्धि भएको छ । यस अवधिमा कम्पनीले १८ करोड ३७ लाख रुपैयाँ नाफा कमाएको छ ।
यूनाइटेड अजोड इन्स्योरेन्सले गत वर्षको तुलनामा नाफा ४८ प्रतिशतले बृद्धि गरेको छ । यस अवधिमा कम्पनीले १३ करोड १८ लाख रुपैयाँ नाफा आर्जन गरेको छ । प्रभु इन्स्योरेन्स कम्पनीले यस अवधिमा १० करोड ८६ लाख रुपैयाँ नाफा कमाएको छ । गत वर्षको तुलनामा नाफा ३९ प्रतिशतले बढी हो ।
सानिमा जिआइसी इन्स्योरेन्सले यस अवधिमा १० करोड ५५ लाख नाफा कमाएको छ । गत वर्षको तुलनामा कम्पनीको नाफा २० प्रतिशतले बढी हो । एनएलजी इन्स्योरेन्स कम्पनीले यस अवधिमा ८ करोड ७५ लाख नाफा कमाएको छ । गत वर्षको तुलनामा क्रम्पनीको नाफा ५३ प्रतिशतले बढी हो । यस अवधिमा नेशनल इन्स्योरेन्स भने घाटामा रहेको छ । यस अवधिमा कम्पनी १ करोड ७ लाख रुपैयाँ घाटामा रहेको छ ।
