काठमाडौं । आज साताको पहिलो दिन शेयर बजार घटेर बन्द भएको छ । आज शेयर बजार नेप्से परिसूचक ५ दशलमव ३१ अंकले घटेर २,०६१ को विन्दुमा कायम भएको छ । आज १०४ कम्पनीको मुल्य बढेको छ भने १३२ कम्पनीको मुल्य घटेको छ ।
आज ३०७ कम्पनीको ९२ लाख ७२ हजार ७८२ कित्ता शेयर किनबेच हुँदा ३ अर्ब २१ करोड ६७ लाख रुपैयाँको शेयर कारोबार भएको छ । आज सबैभन्दा धेरै हिमालयन रिइन्स्योरेन्सको शेयर कारोबार भएको छ । आज यस कम्पनीको ३३ करोड ५८ लाख रुपैयाँको शेयर कारोबार भएको छ ।
त्यस्तै, एशियन लाइफ इन्स्योरेन्सको १२ करोड ९८ लाख रुपैयाँको शेयर कारोबार भएको छ । निफ्राको १२ करोड ३ लाख रुपैयाँको शेयर कारोबार भएको छ । ङादी ग्रुप पावरको ११ करोड ८८ लाख रुपैयाँको शेयर कारोबार भएको छ ।
आज सबैभन्दा धेरै यूनिक नेपाल लघुवित्तका लगानीकर्ताले कमाएका छन् । आज यस कम्पनीका लगानीकर्ताले १० प्रतिशतका दरले कमाएका छन् । मोलुङ हाइड्रोपावर कम्पनीका लगानीकर्ताले ९ दशलमव ९४ प्रतिशतका दरले कमाएका छन् । समाज लघुवित्तका लगानीकर्ताले ८ दशलमव २० प्रतिशतका दरले कमाएका छन् । भवगवती हाइड्रोका लगानीकर्ताले ६ प्रतिशतका दरले कमाएका छन् ।
आज सबैभन्दा धेरै महिला लघुवित्त वित्तीय संस्थाका लगानीकर्ताले गुमाएका छन् । आज यस कम्पनीका लगानीकर्ताले ५ दशलमव ३७ प्रतिशतका दरले गुमाएका हुन् ।
