काठमाडौं । राष्ट्रिय स्तरको विकास बैंक कामना सेवा विकास बैंकले आफ्ना ग्राहक महानुभावहरुको वित्तीय सुरक्षा तथा स्वास्थ्यको जोखिम बहन सुविधा सहितको विशेष निक्षेप योजना ल्याएको छ । आकर्षक प्रतिफलका साथै अन्य लाभ समेत खोज्ने ग्राहकहरुलाई लक्षित गर्दै बैंकले प्रगति बचत खाता “प्लाटिनम” को घोषणा गरेको हो ।
यो बैंक खाता अन्तर्गत बचत खाता खोल्दा खालावाला बचतकर्ताको ७ लाख रुपैयाँ सम्मको दुर्घटना बीमा बैंकले नै गरिदिनेछ। बीमाका लागि बचतकर्ताले अतिरिक्त शुल्क भुक्तानी गर्नुपर्दैन । यसबाहेक १ लाख रुपैयाँसम्मको उपचार खर्च बीमाको समेत सुविधा उपलब्ध हुनेछ। उपचार खर्च बीमा सुविधा अन्तर्गत १ वर्षको अवधिसम्म बचतकर्ताले आफ्नो स्वास्थ्य उपचार गराउँदा लागेको खर्चमध्ये अधिकत्तम १ लाख रुपंयाँसम्मको खर्च दाबी गर्न पाउनेछन् ।
कामना सेवा विकास बैंकको कुनै पनि शाखाबाट यो खाता खोल्न गर्न सकिनेछ। यसरी खाता खोल्दा ग्राहकहरुलाई पहिलो वर्षको लागि लकर सुविधा, मोबाईल बैकिङ सुविधा र एटिएम कार्ड समेत बैंकले निःशुल्क प्रदान गर्नेछ ।
यो निक्षेप योजनामा बैंकले वार्षिक ५.८५ प्रतिशतका दरले ब्याज दर प्रदान गर्ने जानकारी दिएको छ । आकर्षक ब्याजदर, बीमाको सुविधाको साथै निःशुल्क मोबाइल बैकिङ, तथा एटिएम कार्डको सुविधा समेत रहेको प्रगति बचत खाता “प्लाटिनम” खाताको न्युनत्तम मौज्दात ५ हजार रुपैयाँ मात्र रहेको छ ।
