काठमाडौं । हिमालयन रिइन्स्योरेन्सको शेयरमा माथिल्लो सर्किट लाग्ने क्रमले आज मंगलबार पनि निरन्तरता पाएको छ। आज कारोबार खुलेको १ मिनेट नबित्दै हिमालयन रिइन्स्योरेन्सको शेयरमा ९.९८ बढोत्तरीका साथ सकारात्मक सर्किट लागेको हो। योसँगै कम्पनीको शेयरभाउ ५४७.५० रुपैयाँ कायम भएको छ।
लगातार ६ दिनदेखि हिमालयन रिइन्स्योरेन्सको शेयरमा सकारात्मक सर्किट लागिरहेको छ।
यो समाचार तयार पार्दासम्म ११ः३ मिनेटमा आज पनि यो कम्पनीको शेयरमा खरिदचाप देखिएको छ। मार्केट डेप्थमा यो कम्पनीको शेयर खरिदका लागि १४ लाख ८३ हजार ८२ कित्ता पोस्ट भएको छ। बिक्रीतर्फ भने एक कित्ता पनि पोस्ट भएको छ।
आजसम्मको बढोत्तरी हेर्ने हो भने यो कम्पनीको शेयरबाट लगानीकर्ता ३४१.५ रुपैयाँ कमाइसकेका छन्।
