काठमाडौं । सूर्यज्योति लाइफ इन्स्योरेन्स कम्पनीले मंसिर महिनामा मात्रै ७ करोड ७६ लाख रुपैयाँ दाबी भुक्तानी गरेको छ । कम्पनीले हाम्रो प्रतिबद्धता, हाम्रो जिम्मेवारी, हाम्रो साथ भन्ने नाराका साथ आफ्ना बीमितहरुको दाबी भुक्तानीमा सहजीकरण गर्दै आइरहेको छ । कम्पनीले मंसिर महिनामा १९० वटा दाबी वापत ७ करोड ७६ लाख रुपैयाँ दाबी भुक्तानी गरेको हो ।
आर्थिक वर्ष २०८० /८१ को मंसिर मसान्तसम्ममा कम्पनीले ७५६ वटा दाबी वापत २८ करोड २३ लाख रुपैयाँ दाबी भुक्तानी गरेको छ । कम्पनीले मंसिर महिनासम्ममा ९ लाख ५१ हजार ७६८ वटा बीमा पोलिसी विक्री गरी ३ अर्ब ४५ करोड ८४ लाख रुपैयाँ कुल बीमा शुल्क संकलन गरेको छ । कम्पनीले यस अवधिमा ७८ करोड ६५ लाख रुपैयाँ प्रथम बीमा शुल्क आर्जन गरेको छ भने नविकरण मार्फत २ अर्ब ६७ करोड १८ लाख रुपैयाँ बीमा शुल्क संकलन गरेको छ ।
कम्पनीले मंसिर महिनामा मात्रै ६९ करोड ६२ लाख रुपैयाँ कुल बीमा शुल्क आर्जन गरेको छ ।
