काठमाडौं । प्रि-ओपन सेसनमा हिमालयन रि इन्स्योरेन्सको पहिलो कारोबार भएको छ। आज पहिलो दिन यस कम्पनीको शेयर प्रतिकित्ता ३०९ रुपैयाँ २० पैसामा भएको छ । कम्पनीको शेयर हिजो पुस २२ गते आइतबार नेप्सेमा सूचीकृत भएसँगै आजबाट दोस्रो बजारमा कारोबार हुँदैछ ।
पहिलो कारोबारका लागि नेप्सेले कम्पनीलाई १०३ रुपैयाँ ७ पैसादेखि ३०९ रुपैयाँ २१ पैसासम्मको ओपनिङ्ग रेञ्ज दिएको थियो। सोही रेञ्जका आधारमा आज कम्पनीको पहिलो कारोबार भएको हो।
वैदेशिक रोजगारीमा रहेका नेपाली, सामूहिक लगानी कोष र कर्मचारीसहित सर्वसाधारणका लागि निष्काशन गरेको ३ करोड कित्ता र संस्थापक शेयरधनीहरुले लगानी गरेको ७ करोड कित्ता गरी कुल १० करोड कित्ता शेयर नेप्सेमा सूचीकृत भएको हो ।
