काठमाडौं । त्रिभुवन विश्वविद्यालयको उपकुलपतिका लागि दरखास्त आह्वान रद्द गरिएको छ।
त्रिविका कुलपतिबाट त्रिविको रिक्त रहेको उपकुलपति नियुक्ति गर्ने प्रयोजनका लागि त्रिवि ऐन, २०४९ को दफा १८ को उपदफा (२) बमोजिम गठित छनोट तथा सिफारिस समितिको पुस २१ गतेको निर्णयअनुसार दरखास्त आह्वान रद्द गरिएको हो।
यसअघि समितिले पुस २० गते एक सूचना प्रकाशित गरी योग्यता पुगेका इच्छुक नेपाली नागरिकले १० दिनभित्र शिक्षा, विज्ञान तथा प्रविधि मन्त्रालयमा दरखास्त पेस गर्न आह्वान गरेको थियो।
