काठमाडौं । नेपाल हाइड्रो डेभलोपरको वार्षिक साधारण सभा सम्पन्न भएको छ । सभा पुस १२ गते लिसारा रिसेप्सन नक्साल काठमाडौंमा सम्पन्न भएको छ । सभाले संचालक समितिको तर्फबाट अध्यक्षले पेश गर्ने आर्थिक वर्ष २०७९ /८० को वार्षिक सहितको वार्षिक प्रतिवेदन पारित गरेको छ । सभाले लेखापरीक्षकको प्रतिवेदन सहितको आर्थिक वर्ष २०७९ ८० को वार्षिक वित्तीय विवरण वासलात, हिसाव नगद प्रवाह वित्तीय विवरण तथा सम्बन्धीत अनुसूचिहरुमाथि छलफल गरी पारित गरको छ ।
सभाले लेखा परीक्षण समितिको सिफारिस बमोजिम आर्थिक वर्ष २०८०/ ८१ को लेखापरीक्षक गर्नका लागि लेखापरीक्षक नियुक्त र नीजको पारीश्रमिक निर्धारण गरेको छ । संचालक समितिले प्रस्ताव गरे बमोजिम हाल कायम चुक्ता पूँजीको ० दशलमव ३७ प्रतिशत नगद लाभांश र ७ प्रतिशत बोनश शेयर वितरण गर्ने प्रस्ताव पारित गरेको छ ।
संचालकहरुको बैंठक भत्ता परिमार्जन गर्ने प्रस्ताव पारित गरेको छ । नियमनकारी निकायको निर्देशन बमोजिम कम्पनीको स्वीकृत प्रबन्धकपत्र तथानिर्णयहरुमा थप संशोधन गर्नुपर्ने भएमा सो सम्बन्धी संचालक समितिलाई अख्तियारी दिने प्रस्ताव पारित गरेको छ ।
