काठमाडौं । बिहीबार सुनको भाउ बढेको छ । गत बुधबार प्रतितोला एक लाख २० हजार ७ सय रुपैयाँमा कारोबार भएको छापावाला सुन आज १ हजार ३ सय रुपैयाँले बढेर ऐतिहासिक रेकर्ड नै बनाएको छ ।
सुनको मुल्य हालसम्मकै उच्च विन्दुमा पुगेको छ । आज छापावाला सुन प्रतितोला १ लाख २२ हजार रुपैयाँमा कारोबार भइरहेको छ । आज तेजावी सुन तोलामा १ लाख २१ हजार ४०० रुपैयाँमा कारोबार भइरहेको छ । चाँदी प्रतितोला १५ रुपैयाँले बढेर १ हजार ४ सय ९० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
