काठमाडौं । आज साताको पहिलो दिन शेयर बजार दोहोरो अंकले घटेर बन्द भएको छ । आज शेयर बजार नेप्से परिसूचक २१ दशलमव ०३ अंकले घटेर २,०८८ को विन्दुमा कायम भएको छ । आज ७९ कम्पनीको शेयर मुल्य बढेको छ भने १६१ कम्पनीको शेयर मुल्य घटेको छ ।
आज दिनभरिमा ३०९ कम्पनीको १ करोड ८५ लाख ८९ हजार ३७९ कित्ता शेयर किनबेच हुँदा ७ अर्ब ११ करोड १७ लाख रुपैयाँको शेयर कारोार भएको छ । आज सबैभन्दा धेरै शिवम् सिमेन्टको शेयर कारोबार भएको छ । आज यस कम्पनीको ३० करोड ४३ लाख रुपैयाँ शेयर कारोबार भएको छ । हाथवे इन्भेष्टमेन्टको २९ करोड ५० लाख रुपैयाँको शेयर कारोबार भएको छ । सोनापुर मिनरल्सको २१ करोड १९ लाख रुपैयाँको शेयर कारोबार भएको छ ।
आज सबैभन्दा धेरै १५ कम्पनीले कमाएका छन् । यी १५ कम्पनीले १० प्रतिशतका दरले कमाएका हुन् । बोटलर्स नेपाल बालाजू, कालिका पावर, विपीडब्लु लघुवित्त, सामलिङ पावर लगायत १५ कम्पनीले १० प्रतिशतका दरले कमाएका हुन् । त्यस्तै, ८ कम्पनीक ालगानीकर्ताले ९ दशलमव ९० प्रतिशतभन्दा बढीले कमाएका हुन् ।
आज सबैभन्दा धेरै ज्योति विकास बैंक बोण्ड ८७ का इकाईधनीले गुमाएका छन् । आज यस कम्पनीका इकाईधनीले १० प्रतिशतका दरले गुमाएका छन् । नेपाल रिपब्लिक मिडियाका लगानीकर्ताले पनि १० प्रतिशतका दरले गुमाएका हुन् ।
