काठमाडौं । गत साता नेप्से परिसूचक करीब ६ प्रतिशतले वृद्धि भएको छ । मंसिर २८ गते १९९४ दशमलव ६० को विन्दुमा बन्द भएको बजार गत सात पुस ५ गते २१०९ दशमलव १० विन्दुमा बजार बन्द भएको छ ।
गत साता सबै समूहगत परिसूचक बढेका छन् । सबै भन्दा धेरै उत्पादन तथा प्रसोधन समूहको परिसूचक १९ दशमलव २८ प्रतिशतले वृद्धि भएको छ ।
६ समूहगत परिसूचक नेप्से परिसूचक भन्दा धेरैले बढे :
गत साताको कारोबारमा ६ समुहगत परिसूचक नेप्से परिसूचक भन्दा धेरैले बढेका छन् । नेप्से परिसूचक गत साता ५ दशमलव ७४ प्रतिशतले वृद्धि भएकोमा उत्पादन तथा प्रशोधन, लगानी, ब्यापार, जलविधुत, लघुवित्त र होटल तथा पर्यटन समूहको परिसूचक नेप्से परिसूचक भन्दा धेरैले वृद्धि भएको छ ।
गत साता म्युचुअल फण्ड समूहको परिसूचक सबै भन्दा थोरै १ दशमलव ६८ प्रतिशतले वृद्धि भएको छ ।
