काठमाडौं । स्वास्थ्य बीमा बोर्डले स्वास्थ्य बीमा कार्यक्रमको सुविधा थैली अन्तर्गतका विवरण र भुक्तानी दर रेट परिमार्जन गर्ने तयारी गरेको छ। बोर्डले सुविधा थैलीमा समावेश गरिएका सामान्य प्रकारका सुविधाहरुमा परिमार्जन गरेर स्वास्थ्य बीमा अन्तर्गतका सुविधाहरु परिमार्जन गर्ने तयारी गरेको हो ।
बोर्डले सुविधा थैलीमा समावेश गरिएका सुविधा र दर रेटलाई समय सान्दर्भिक बनाउनुपर्ने निष्कर्ष सहित परिमार्जनको तयारी शुरु गरेको छ। बोर्डले हाल सुविधा थैली अन्तर्गतका सेवा सुविधाहरुको विवरण तथा दर रेट र आंशिक अध्यावधिक गरिएको सुविधा थैलीमार्फत् बीमितलाई सेवा प्रदान गर्दै आएको छ।
बोर्डले सुविधा विवरण र दर रेट परिमार्जन सम्बन्धमा सुझाव पेश गर्न सरोकारवालासँग सुझाव मागेको छ। बोर्डले इमेल ठेगाना [email protected] मा लिखितरुपमा सुझाव पठाउनका लागि अनुरोध गरेको छ। बोर्डले वेबसाइटमार्फत् प्रकाशन गरेको सूचनामा सुझाव पठाउनुपर्ने समय सीमा तोकिएको छैन ।
