काठमाडौं । सुनको भाउ फेरि अल टाइम हाई नजिक पुगेको छ।
नेपाली बजारमा आज सुनको भाउ तोलामा १ हजार रुपैयाँले बढेको छ। आज प्रतितोला छापावाल सुन १ लाख १९ हजार रुपैयाँ र तेजाबी सुन १ लाख १८ हजार ४५० रुपैयाँमा कारोबार भइरहेको छ।
यसअघि गत कात्तिक १३ गते सुनको भाउले नयाँ उचाइ लिएको थियो। यो दिन प्रतितोला छापावाल सुन १ लाख १९ हजार ३०० रुपैयाँमा कारोबार भएको थियो।
आज चाँदी पनि तोलामा १५ रुपैयाँले बढेर १ हजार ४६५ रुपैयाँमा कारोबार भइरहेको छ। हिजो तोलामा ५ रुपैयाँले घटेर चाँदी १ हजार ४५० रुपैयाँमा कारोबार भएको थियो।
