काठमाडौं । फोन पेको अध्यक्षमा सशिन जोशी नियुक्त भएका छन् । अध्यक्ष विश्वास ढकालले आफ्नो पदबाट राजिनामा दिएपछि अध्यक्षमा जोशी नियुक्त भएका हुन् ।
जोशीले कम्पनीलाई थप उचाइमा पुर्याउने बताए । संचालक समिति सदस्यका रुपमा विगत दुई वर्षदेखि फोन पे आवद्ध रहेका जोशीलाई कम्पनीले अध्यक्षमा नियुक्त गरेको हो ।
फोन पे नेपालको ठूलो मोबाइल पेमेन्ट नेटवर्क हो । फोन पेका करिब १ करोड ८० लाख ग्राहक छन् । नेपालमा क्यूआर पेमेन्टको सुरुवात गर्ने पहिलो भुक्तानी सेवा प्रदायक फोन पे एफ्वान सफ्टको भगिनी संस्था हो ।
