काठमाडौं । भारतीय जीवन बीमा निगम(एलआइसी) ५ खर्ब ३ अर्ब ७० करोड अमेरिकी डलर बराबरको जगेडा तथा कोषसँगै विश्वको चाैथो ठूलो जीवन बीमक बनेको छ। एस एण्ड पि ग्लोबल मार्केट इन्टेलिजेन्स रिपोर्ट अनुसार एलियान्ज एसई, चाइना लाइफ इन्स्योरेन्स र निप्पोन लाइफ इन्स्योरेन्सपछि चाैथो स्थानमा एलआइसी छ।
विश्वका शीर्ष ५० जीवन बीममध्ये भारतबाट एलआईसी मात्रै समावेश हुन सफल भएको छ। शीर्ष ५० जीवन बीमकको सूचीमा अधिकांश युरोपेली कम्पनी छन् । यीमध्ये पनि बेलायती कम्पनी सबैभन्दा बढी हाबी छन्।
विश्वको जीवन बीमा बजारमा भारतसानो हिस्सा भए पनि भारतीय बजारमा एलआइसीसँग ३५ प्रतिशतभन्दा बजार हिस्सा छ । बीमाशुल्क आम्दानीका हिसाबले भारत विश्वमा सातौं स्थानमा छ।
