काठमाडौं । सुनको भाउ बिहीबार स्थिर रहेको छ।
आज प्रतितोला छापावाल सुन १ लाख १९ हजार ३०० रुपैयाँ र तेजाबी गोल्ड १ लाख १८ हजार ७५० रुपैयाँ कायम भएको छ। बुधबार तोलामा १ हजार ६०० रुपैयाँले बढेर सुनको भाउले नयाँ कीर्तिमान बनाएको थियो। यो दिन प्रतितोला छापावाल सुन १ लाख १९ हजार ३०० रुपैयाँ र तेजाबी गोल्ड १ लाख १८ हजार ७५० रुपैयाँमा कारोबार भएको थियो। जुन नेपाली बजारमा हालसम्मकै उच्च हो।
आज चाँदीको भाउ पनि स्थिर छ। बजारमा आज चाँदी तोलाको १ हजार ५२० रुपैयाँमा कारोबार भइरहेको छ। बुधबार पनि चाँदी तोलाको १ हजार ५२० रुपैयाँमा कारोबार भएको थियो। यो चाँदीको हालसम्मकै उच्च मूल्य हो।
