काठमाडौं । नेरुडे लघुवित्त वित्तीय सस्थाले प्रदेश कार्यालय इटहरी अन्तर्गत रहेका कार्यालय प्रमुख, निरिक्षण अधिकृत र केन्द्रीय कार्यालको विभागमा कार्यरत ५२ जना कर्मचारीहरुलाई सम्पत्ति शुद्धिकरण तथा आतङ्कवादी क्रियाकलापमा वित्तीय लगानी निवारण सम्बन्धी १ दिने तालिम दिएको छ । उक्त तालिम मंसीर १० गते आईतवार इटहरीमा सम्पन्न गरेको हो ।
उक्त तालिममा श्रोत व्यक्तिको रुपमा नेपाल राष्ट्र बैंकका पुर्व निर्देशक श्याम कृष्ण दाहाल रहनु भएको थियो । नेरुडेले गत भदौ ८ गते प्रदेश कार्यालय बुटवल र भदौं २९ गते प्रदेश कार्यालय वर्दिवास अन्तर्गतका कार्यालय प्रमूख र निरिक्षण अधिकृतहरुको लागी उक्त विषयमा तालिम सम्पन्न गरीसकेको छ ।
इटहरीमा सम्पन्न भएको कार्यक्रम सँगै नेरुडेले आफ्ना सम्पुर्ण कार्यालयका प्रमुखहरु, प्रदेश कार्यालयका निरिक्षण अधिकृतहरु र केन्द्रीय कार्यालयका सम्बन्धित विभागमा काम गर्ने कर्मचारीहरुलाई सम्पत्ति शुद्घीकरण सम्बन्धि तालिम सम्पन्न गरिसकेको संस्थाका योजना विभागका विभागीय प्रमुख कृष्ण बहादुर खड्काले जानकारी गराएका छन् ।
