काठमाडौं । आरएसडीसी लघुवित्तको शेयर मूल्य समायोजन भएको छ । कम्पनीले लाभांश तथा साधारण सभा प्रयोजनका लागि बुक क्लोज गरेसँगै नेप्सेले मुल्य समायोजन गरी नयाँ मुल्य निर्धारण गरेको हो । कम्पनीले गत आर्थिक वर्षको नाफाबाट ८दशमलव ६० प्रतिशत बोनश शेयर वितरण गर्ने घोषणा गरेको थियो ।
समायोजन पछि कम्पनीको शेयर मुल्य ४ सय ८७ रुपैयाँ ७५ पैसा कायम भएको छ । नेप्सेले आज कम्पनीको अन्तिम कारोबार ५ सय २९ रुपैयाँ ७० पैसाको आधारमा मुल्य समायोजन गरेको हो । यही समायोजित मुल्यलाई आधार मानेर भोलि दोस्रो बजारमा कम्पनीको कारोबार खुल्नेछ ।
