काठमाडौं । भोलि आवश्यक काम बाहेक सवारी लिएर बाहिर नहिड्न ट्राफिक प्रहरीले आग्रह गरेको छ । युवा संघ नेपालको तिनकुनेमा र दुर्गा प्रसाईँ समूहको बल्खुमा आयोजित भेला कार्यक्रमका कारण काठमाडौं उपत्यकाको सवारी व्यवस्था असहज हुने भएसँगै प्रहरीले सर्वसाधारणलाई यस्तो आग्रह गरेको हो ।
ट्राफिक प्रहरीले बुधबार एक सूचना जारी गर्दै काठमाडौं उपत्यका ट्राफिक प्रहरीले घरबाट निस्किनु अघि ट्राफिक प्रहरीसँग सम्पर्क गरेर सडकको अवस्था जानकारी लिएर मात्रै निस्किन आग्रह गरेको हो ।
