काठमाडौं । श्वेत गंगा हाइड्रोपावर एण्ड कन्सट्रकसन लिमिटेडले मंसिर २६ गते साधारण सभा आब्हान गरेको छ । काठमाडौंको चण्डोल स्थित कुण्डलिनी दरबार ब्यान्क्वेटमा सभा गर्ने कम्पनीले जनाएको छ । कम्पनीको मंसिर ४ गते बसेको संचालक समितिको बैठकले उक्त सभाको मिति तय गरेको हो ।
सभाले कम्पनीको सञ्चालक समितिको सातौं वार्षिक प्रतिवेदन छलफल गरी पारित गर्नेछ । कम्पनीको आर्थिक वर्ष २०७९/०८० को लेखापरीक्षण प्रतिवेदन सहित २०८० मसान्तसम्मको वासलात, नाफा नोक्सान हिसाब तथा नगद प्रवाह विवरण, तत् सम्बन्धी अनुसूचीहरु छलफल गरी पारित गर्नेछ ।
सभाले लेखापरीक्षण समितिले सिफारीस गरे बमोजिम आर्थिक वर्ष २०८०/०८१ को लागि लेखापरीक्षकको नियुक्ति गर्ने तथा पारिश्रमिक निर्धारण गर्नेछ । रिक्त सञ्चालक पदमा सञ्चालक समितिबाट भएको नियुक्ति अनुमोदन गर्ने लगायतका प्रस्ताव पारित गर्नेछ ।
