काठमाडौं । सिन्धु विकास बैंकले जाजरकोट केन्द्रबिन्दु भएर आएको भूकम्प पीडितको सहयोगका लागि २ लाख ५० हजार रुपैयाँ आर्थिक सहयोग गरेको छ । बैंकले पीडितको खोज, उद्धार तथा राहत कार्यमा सहयोग स्वरूप बैंकका सम्पूर्ण कर्मचारीहरुको १ दिनको तलव भत्ता बराबरको रकम २ लाख ५० हजार रुपैँया रकम प्रधानमन्त्री दैवी प्रकोप उद्धार कोष मार्फत भुकम्प पिडितलाई आर्थिक सहयोग प्रदान गरको बैंकले जनाएको छ ।
विगतका वर्षदेखि नै सिन्धु विकास बैंकले यस किसिमका राष्ट्रिय विपत्तीमा सहयोग गर्दै आइरहेको तथा भविष्यमा समेत यस्ता सहयोगहरु जारी रहने बैंकका प्रमुख कार्यकारी अधिकृत राम कुमार गिरीले बताए ।
सिन्धुपाल्चोक जिल्लाकै पहिलो विकास बैंकको रुपमा स्थापित यस बैंकले आफ्नो कार्यक्षेत्र सिन्धुपाल्चोक, दोलखा, काभ्रेपलाञ्चोक, मकवानपुर र चितवन जिल्ला समेत गरी ५ जिल्लाहरुमा २५ वटा शाखा कार्यालयहरु र १ वटा सिमित बैकिङ्ग ईकाइबाट बैकिङ्ग सेवा प्रदान गर्दै आईरहेको छ ।
