काठमाडौं । एनएलजी इन्स्योरेन्स कम्पनीले आर्थिक वर्ष २०८० /८१ को प्रथम त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको अधिकांश सूचकमा बृद्धि देखिएको छ । यस अवधिमा कम्पनीको नाफा, खुद बीमा शुल्क र कुल बीमा शुल्क लगायतका अधिकांश सूचकमा बृद्धि देखिएको हो ।
१ अर्ब ४५ करोड रुपैयाँ शेयर पूँजी भएको कम्पनीले चालु आर्थिक वर्षको प्रथम त्रैमाससम्मा ५ करोड १४ लाख रुपैयाँ नाफा आर्जन गरेको छ । गत आर्थिक वर्षको सोही अवधिमा कम्पनीले ३ करोड ६५ लाख रुपैयाँ नाफा आर्जन गरेको थियो । गत आर्थिक वर्षको सोही अवधिको तुलनामा कम्पनीको नाफा ४० प्रतिशतले बढेको हो ।
कम्पनीले शेयर प्रिमियम मार्फत १ करोड ६९ लाख रुपैयाँ उठाएको छ । यस अवधिमा कम्पनीकोे महाविपत्ती कोषमा ७ करोड २७ लाख ९६ हजार रुपैयाँ रहेको छ । संचिती जगेडा कोषमा १० करोड ७९ लाख रुपैयाँ रहेको छ । आर्थिक वर्ष २०७९ /८० को असार मसान्तसम्ममा कम्पनीको बीमा कोष २ अर्ब १६ करोड रहेको थियो । गत आर्थिक वर्षको असारमसान्तको तुलनामा यस समिक्षा अवधि असोज मसान्तसम्ममा कम्पनीको बीमा कोषको आकार गिरावट भई १ अर्ब ८३ करोड रहेको छ ।
समिक्षा अवधिमा कम्पनीले ६१ करोड ८८ लाख रुपैयाँ कुल बीमा शुलक आर्जन गरेको छ । गत आर्थिक वर्षको सोही अवधिमा कम्पनीले ५३ करोड ५७ लाख रुपैयाँ कुल बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको कुल बीमा शुल्क आर्जन बृद्धि भएको हो ।
समिक्षा अवधिमा कम्पनीले पुनर्बीमा मार्फत ४८ करोड ३० लाख रुपैयाँ खर्चिएको छ । गत आर्थिक वर्षको सोही अवधिमा कम्पनीले पुनर्बीमा मार्फत ४१ करोड ८७ लाख रुपैयाँ खर्चिएको थियो ।
यस अवधिमा कम्पनीले १३ करोड ५७ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले ११ करोड ६९ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन १२५ प्रतिशतले बढी हो ।
समिक्षा अवधिमा कम्पनीले १ करोड ३७ लाख रुपैयाँ अभिकर्ता कमिशन मार्फत खर्चिएको छ । गत आर्थिक वर्षको सोही अवधिमा कम्पनीले १ करोड २० लाख रुपैयाँ खर्चिएको थियो । गत आर्थिक वर्षको तुलनामा कम्पनीले अभिकर्ता कमिशनमा बढी रकम खर्चिएको छ ।
यस अवधिमा कम्पनीको प्रति शेयर आम्दानी १४ रुपैयाँ ११ पैसा रहेको छ । प्रति शेयर नेटवर्थ २०८ रुपैयाँ ०२ पैसा रहेको छ । सोल्भेन्सी रेसियो १.५ रहेको छ ।
