काठमाडौं । प्रभु बैंक लिमिटेडले संस्थापक तर्फको ५ लाख ६३ हजार ७७८ कित्ता शेयर सर्वसाधारणमा विक्री खुला गरेको छ । यस अघि विद्यमान संस्थापक शेयरधनीहरूमा विक्री खुला गर्दा वितरण हुन नसकेपछि अन्य व्यक्ति तथा संस्थाहरूले खरीद गर्न पाउने गरी यी शेयर विक्रीमा ल्याइएको हो ।
ईच्छुक लगानीकर्ताहरूले आगामी १५ दिनभित्र बैंकको केन्द्रिय कार्यालय बबरमहल, काठमाडौंमा आवेदन पेश गर्नुपर्नेछ । बैंकले प्रभु ग्रुप प्रालिको नाममा रहेको ४ लाख ९७ हजार ३६९ कित्ता, जानुका खड्काको नाममा रहेको २७ हजार कित्ता र कृष्ण प्रसाद पोखरेलको नाममा रहेको ३९ हजार ४०९ कित्ता संस्थापक शेयर विक्रीमा ल्याएको हो ।
