काठमाडौं । आर्थिक वर्ष २०८० /८१ को असोज महिनासम्ममा दुई लघु निर्जीवन बीमा कम्पनीहरुले करिब ९२ लाख रुपैयाँ कुल बीमा शुल्क आर्जन गरेका छन् । यी कम्पनीहरुले असोज महिनासम्ममा कुल २ हजार ९७२ वटा बीमा पोलिसी विक्री गरी ९१ लाख ८९ हजार कुल बीमा शुल्क आर्जन गर्न सफल भएका हुन् ।
जसमध्ये नेपाल माइक्रो इन्स्योरेन्स कम्पनीले असोज महिनासम्ममा १६ सय ६७ वटा पोलिसी विक्री गरी ३० लाख ४६ हजार रुपैयाँ कुल बीमा शुल्क आर्जन गरेको छ । कम्पनीले असोज महिनामा मात्रै १६ सय १ वटा पोलिसी विक्री गरी २७ लाख ६९ हजार रुपैयाँ बीमा शुल्क आर्जन गरेको हो ।
त्यसैगरी प्रोटेक्टिभ माइक्रो इन्स्योरेन्स कम्पनीले असोजै महिनासम्ममा ६१ लाख ४४ हजार रुपैयाँ कुल बीमा शुल्क आर्जन गरेको छ । कम्पनीले १३ सय ५ वटा पोलिसी विक्री गरी उक्त बीमा शुल्क आर्जन गरेको छ । असोज महिनामा मात्रै कम्पनीले १२ सय ६४ वटा बीमा पोलिसी विक्री गरी ६० लाख २५ हजार रुपैयाँ बीमा शुल्क आर्जन गरेको छ ।
