काठमाडौं । अमेरिकी डलरको भाउ हालसम्मकै उच्च विन्दुमा पुगेको छ। नेपाल राष्ट्र बैंकको अनुसार आज बिहीबार अमेरिकी डलरको भाउ १३३ रुपैयाँ ५७ पैसा पुगेको छ।
बुधबार डलरको भाउ १३३ रुपैयाँ ५१ पैसा थियो। बिहीबार ६ पैसाले बढेर डलरको भाउले नयाँ रेकर्ड बनाएको हो। यसअघि डलरको भाउ अधिकतम १३३ रुपैयाँ ५५ पैसासम्म मात्रै पुगेको थियो। बिहीबार सो रेकर्डलाई तोडी नयाँ रेकर्ड बनाएको हो ।
आज युरो एकको खरिद दर १४० रुपैयाँ १७ पैसा र बिक्री दर १४० रुपैयाँ ८० पैसा छ । यता बिहीबार बेलायती पाउण्ड एकको खरिद दर १६१ रुपैयाँ ३१ पैसा र बिक्री दर १६२ रुपैयाँ ०४ पैसा तोकिएको छ ।
उता कतारी रियालको मूल्य एकको खरिद दर ३६ रुपैयाँ ४७ पैसा र बिक्री दर ३६ रुपैयाँ ६४ पैसा रहेको राष्ट्र बैंकले जनाएको छ । आज अष्ट्रेलियन डलर एकको खरिद दर ८४ रुपैयाँ ३१ पैसा र बिक्री दर ८४ रुपैयाँ ६९ पैसा पुगेको राष्ट्र बैंकले जनाएको छ ।
