काठमाडौं । धितोपत्र दलाल व्यवसायी (ब्रोकर) मेगा स्टक मार्केट्स लिमिटेडले प्रथम वार्षिक साधारण सभा आब्हान गरेको छ । मेगा स्टक मार्केट्स ले कात्तिक २४ गते प्रथम वार्षिक साधारण सभा गर्न लागेको हो ।
साकेत कम्प्लेक्स, त्रिपुरेश्वर, काठमाडौंमा विहान ९ बजे कम्पनीले सभा बोलाएको हो । सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरणहरू पारित गर्नेछ ।
साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको विषय समेत टुङ्ग्याउनेछ । सञ्चालकहरू नियुक्त र कम्पनीको प्रबन्धपत्र नियमावली संशोधनको प्रस्थाप समेत सभाका लागि तय भएको छ ।
