काठमाडौं । नबिल इन्भेष्टमेण्ट बैंकिङ्ग लिमिटेडले चौधौं वार्षिक साधारण सभा कार्तिक २४ गते गर्ने भएको छ । सभा काठमाडौं, नक्सालस्थित सेन्ट्रल प्लाजामा उक्त दिन बिहान ११ बजे शुरु हुने कम्पनीले जनाएको छ ।
सभामा कम्पनीको सञ्चालक समितिले प्रस्ताव गरेको करसहित रू ८ करोड १० लाख नगद लाभांश पारितका लागि पेस गर्ने जनाएको छ । त्यस्तै आर्थिक वर्ष २०७९/८० को वार्षिक प्रतिवेदन र आर्थिक वर्ष २०८०/८१ को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पनि पारितका लागि पेस गरिने जनाएको छ ।
