काठमाडौं । साबिक प्रभु लाइफ र महालक्ष्मी लाइफ इन्स्योरेन्स कम्पनीको एक्चुअरी भ्यालुएसन नेपाल बीमा प्राधिकरणबाट स्वीकृत भएको छ । प्राधिकरणले मंगलबार दुवै ( हाल एकीकृत)कम्पनीको एक्चुअरी भ्यालुएन स्वीकृत गरे सँगै कम्पनीले आर्थिक वर्ष २०७८/७९ मा बीमितहरुले प्राप्त गर्ने बोनशदर घोषणा गर्ने बाटो खुला भएको छ । कम्पनीले केहि दिनमै बीमितहरुले प्राप्त गर्ने बोनश दर सार्वजनिक गर्न सक्नेछ ।
एक्चुअरी भ्यालुएसन पछि लेखापरिक्षण प्रतिवेदन पनि अन्तिम चरणमा रहेको कम्पनीले जनाएको छ । लेखापरिक्षण प्रतिवदेन स्वीकृतका लागि पनि बीमा प्राधिकरणमा पुग्ने पर्ने व्यवस्था रहेको छ । यदि लेखापरिक्षण प्रतिबेदनमा कुनै समस्या नभएमा बीमा प्राधिकरणले वित्तीय प्रतिबेदन पास गर्नेछ तब मात्र कम्पनीले वार्षिक साधारणसभा बोलाउन सक्ने छ ।
